Antiarrazakeria

Europa harresiz inguraturiko gotorleku bat bilakatu da. Biztanle kopuru handi batek ez ditu oinarrizko eskubideak bermatuta, baina guk bai. Baita pribilegio batzuk eta humanitatea ere. Horrek botere eta ardura posizio batean kokatzen gaitu.

Erraza ez dirudien arren, Ara!Gorputzen baditugu urrats batzuk aurreikusita eta aurrera goaz. Gehiago jakin nahi?

Eskaintzak

Txuritasuna deseraikitzen tailerra

Feminismoetatik ikasi dugu zein dira bizi ditugun opresioak, eta zentzu honetan garrantzitsua da ere, ditugun pribilegioak arakatzea.

Proposamen honen bitartez, oraindik ere gure jendartean dagoen (eta barneratua daukagun) arrazakeria landuko dugu.

Ohiko galderak

Nola uztartzen da proposamen hau antiarrazakeriarekin?

Emakume* txurion talde ezberdinetan frogatu dugun prozesua da hau. Gure ustetan, arrazializatutako eragile eta taldeekin zubiak eraikitzeko, ezinbestekoa da aurretik gure ‘txuritasuna’ lantzea.

Saio bat baino gehiago egin daiteke?

Bai. Gomendagarria da gainera saio bat baino gehiago egitea. Prozesu moduan egiten badugu, kapa sakon gehiago arakatzeko tartea izango bai dugu.

HARTZAILEAK: Heldu oro (talde, egitura, Emakumeen* etxeak,...)
HELBURUA: Barneratuta dugun arrazakeria berrikusi eta desegiteko bidean kokatu
PERTSONA KOPURUA: 10-15
IRAUPENA: 3 ordu (gutxienez)
ESPAZIOA: Talde dinamikak egiteko erosoa eta goxoa dena

Ipuin kontalaria

‘Familian asko gara’ ipuinaren bitartez (beherago topatuko duzu orri honetan bertan), aniztasuna, familia ereduak eta bestelako gai batzuek lantzen ditugu.

Ipuin kontalaria, aipatutako gaiak lantzeko, haurrentzat (eta haien familientzat) bideratua dagoen dinamizazio modua da.