Kultura feminista eta
eraldaketa komunitarioa bultzatzen
Ara!Gorputz hilerokoaren kulturatik, ekonomia feministatik eta ikuspegi antirrazista zein ekofeministatik sortutako proiektu kooperatiboa da. Gure lanaren oinarrian ikaskuntza kolektiboa, bizipenen politizazioa eta zaintza daude, beti ere komunitatearekin elkarlanean eta tokiko errealitatetik abiatuta.
Bidasoan kokatuta, formakuntza prozesuak eta esperimentaziorako espazioak sortzen ditugu, ikusiezina agerian jarri eta bizitzaren aldeko praktikak elikatzeko. Gure sare kooperatibo eta feministaren sostenguarekin, eraldaketa sozialerako tresnak partekatzen ditugu, modu argi, xume eta errotuan.
Lan ildoak
Hilerokoa
Hilerokoaren kulturaren, eskubideen eta ziklikotasunaren inguruan ikasteko espazioa da; informazio fidagarria, esperientzien partekatzea eta bizipenak goxoago eta askatzaileago egiteko laguntza eskaintzen dugu.
Ekonomia Feminista
Bizitzak sostengatzen dituzten lanak eta harremanak ikusgarri bihurtzen dituen heziketa-prozesuak garatzen ditugu, zaintzak, desberdintasunak eta egunerokoan eragiten diguten egiturak kolektiboki aztertuz.
Ekofeminismoa
Lurraren, elikagaien eta zaintzaren arteko loturak lantzen ditugu, tokiko eragileekin batera ekofeminismora hurbiltzeko esperientzia praktikoak eta hezitzaileak eskainiz.
Antiarrazakeria
Europako harresien testuinguruan, pribilegioak eta boterea nola ditugun ulertzeko eta gure artean barneratutako arrazakeria deseraikitzeko espazioak sortzen ditugu. Ikaskuntza kolektiboa, ardura partekatua eta begirada kritikoa lantzen ditugu, urrats eraldatzaileak elkarrekin egiteko.
Lan metodologia
Herri pedagogia feministatik abiatuta, ikasketa prozesuak modu pausatuan, kolektiboan eta gorputzari entzunez garatzen ditugu; bizipenen aitortza, erritmo propioen errespetua eta bidelaguntasun arduratsua oinarri hartuta.
GORPUTZAK
ERDIGUNEAN
Bizitza-onaren bidean goaz. Hori guretzat zer den jakin nahi baduzu, ikusi bideoa!
A!Gren inguruan gehiago jakin nahi baduzu, egin klik lerroburu hauetan:
Gure sareak:
